GULTOM PARTUNTUNGAN : Horas Ma Dihita Sude

Horas ma dihamu na manjaha blog nametmet on. Hubahen hami do alamat blog on Gultom Partuntungan asa sude dongan dohot ale-ale na mananda keluarga nami di Tuntungan boi martaringot jala marsipapuasan roha. Hami walu sada keluarga, sude do hami tubu di Tuntungan Pancurbatu Deliserdang. Goarni ni ama nami Maraden Gultom sian Sitamiang Samosir, Ina nami Tiurlan boru Sibarani Sian Laguboti.

Ia natua-tua nami nunga mangaranto tu Pancurbatu sian taon 1960. Di Tuntungan hian do hami tinggal, natua-tua nami doli marusaha taraktor do jala ina nami Guru di SD Negri 101827601 Tuntungan. Tung balga do pamasumasuon ni Debata ala di lehon do tu natua-tuai 2 anak 6 boru.

Dongan dohot ale-alenami di Tuntungan sian suku Jawa do sude ima karejo di perkebunan Tembakau Deli. Jadi molo bahasa batak nami nami songon na marpasir-pasir ba maklum mahamu disi. Dibagasan pangajarion tu hami tung masai karas do na tua-tua i, jala tung balga do tekad nasida asa sude gellengna marsingkola. Mauliate ma di Debata ala di bege do pangidoan ni natoras nami. Boi hami sude marsingkola, jala nunga sahat sude na marbagas. Dua keluarga ma natinggal di huta Pancurbatu, 5 keluarga di Jakarta jala sada di Belitung (Dinas).

Artikel Lainnya :